Димитриевски настрада од своите: Два автогола за пораз на Валенсија на Риазор (ВИДЕО)

30 август 2026 - 21:31

Валенсија доживеа уште еден пораз во Ла Лига откако денеска загуби на гостувањето кај Ла Коруња со 1-3- Домаќинот до победата стигна и благодарение на два автогола на фудбалерите на Валенсија што значи дека Столе Димитриевски настрада од своите соиграчи..

Депортиво поведе во 13. минута, и тоа по несреќна реакција на Сесар Тарега, кој ја затресе сопствената мрежа за водство на домаќинот. Само четири минути подоцна Пјер-Емерик Обамејанг зголеми на 2-0 и ја стави Ла Коруња во одлична позиција.

Валенсија успеа да се врати во натпреварот во 26. минута, кога Садио Умар намали на 2-1 и даде надеж дека гостите можат да избегнат пораз. Сепак, надежта траеше до 59. минута. Тогаш и Муктар Диахаби несреќно ја погоди сопствената мрежа, па Депортиво повторно стекна предност од два гола – 3-1. 

Така, Димитриевски трипати ја вадеше топката од својата мрежа, но два од погодоците беа дело на неговите соиграчи. За македонскиот репрезентативец ова беше меч во кој практично беше оставен без вистинска шанса да ги спречи двата автогола. Во следното коло за Валенсија претстои уште еден тежок меч, против актуелниот шпански шампион Барселона.