Вирусот и повредите го одложија вториот натпревар на Вардар во Регионалната лига

24 август 2026 - 19:16

Македонскиот ракометен шампион Вардар информираше дека натпреварот од второто коло во Регионалната лига против Динамо Панчево е одложен на барање на „црвено-црните“.

Натпреварот требаше да се одигра в среда на 26 август меѓутоа поради повредите и проблеми со вирус од Вардар побарале одложување на дуелот кое противникот спортски го прифатил.

РК Вардар 1961 ја известува ракометната јавност дека на наше барање прифатено е одложување на натпреварот од 2-то коло на Регионалната Ракометна Лига помеѓу екипите на Динамо Панчево и РК Вардар 1961, кое по распоред требаше да се одигра на 26-ти Август ( среда ). Ова барање следи по низата на повреди и вирус кој го погоди нашиот тим, а поради што сме оневозможени да гостуваме во Панчево.

Изразуваме огромна благодарност до РК Динамо Панчево и раководството на Регионалната Ракометна лига за позитивниот одговор на нашето барање.

Ќе потсетиме во првото коло од Регионалната лига, Вардар славеше над Војводина со 36-30.