Мајсторија на Штах за радост на Лидс, Евертон го надигра Кристал Палас (ВИДЕО)

22 август 2026 - 18:02

Денеска од 16 часот се одиграа три натпревари во Премиер лигата, при што до триумфи стигнаа екипите на Евертон, Лидс и Ипсвич.

Нотингем и Лидс одиграа израмнет натпревар, но расположен за тресење на мрежи беше гостинскиот состав, а тоа го покажа уште во 25. минута. Вилсон погоди во мрежата на домаќинот, но ВАР-технологијата му го поништил голот поради офсајд.

Лидс, сепак, до триумф стигна во 88. минута кога Штах го постигна единствениот погодок на натпреварот (1-0) за победа на новиот тим на македонскиот репрезентативец Дитмир Хоџа.

Фудбалерите на Евертон го скршија отпорот на гостите од Лондон во 42. минута кога Дјузбери-Хол ја затресе мрежата за водство од 1-0 на „карамелите“.

Евертон постигна и втор гол, и тоа во 53. минута кога Бери стрелаше за предност од 2-0, по што Кристал Палас се закани неколку пати, но не успеа да постигне погодок.

Најмногу голови имаше на дуелот меѓу Ипсвич и Сандерленд (2-1). Двете екипи постигнаа по еден погодок уште во првиот дел, односно домаќините погодија преку Емерсон, а гостите стрелаа преку Ангуло.

Ипсвич стигна до трите бодови со гол во самата завршница, односно во 90. минута кога Кларк погоди за 2-1.

Фото: facebook/Leeds United