Животната приказна на Хорхе: Таткото на Меси беше најзаслужен за кариерата на Лео!

08 август 2026 - 14:34

Пред да стане еден од најпознатите во историјата, Лионел Меси беше момче од Росарио со голем сон и проблем кој можеше да му го промени животот, но неговиот татко Хорхе Меси му помогна да се запише во историјата.

Хорхе, кој починал синоќа во болница во Аргентина, беше човекот кој се грижеше за сè што се случува зад затворени врати во животот на фудбалот, донесе одлуки кои му ги обезбедија најдобрите услови на својот син за развој.

Додека Меси со својот талент ги освојуваше терените, неговиот татко се бореше со проблеми кои јавноста речиси никогаш не ги виде.

Еден од најголемите предизвици се појавија во детството на Меси, кога морал да добие неопходна медицинска терапија. Хорхе успеал да најде начин неговиот син да го продолжи лекувањето.

Хорхе се обидел да му договори трансфер во Ривер плејт, но преговорите пропаднале, по што се отворила нова можност, а тоа е преселба во Барселона.

Таткото на Меси ризикувал сè и заминал далеку од својот дом за да му овозможи на Меси да продолжи со фудбалскиот развој и да му го обезбеди неопходното лекување.

Почетокот во Шпанија не бил лесен затоа што семејството морало да се прилагоди на новата средина, а во еден момент постоела можност сè да заврши неуспешно. Сепак, Хорхе не се откажал и му помогнал на Меси да се избори со предизвиците.

„Мојот татко секогаш беше со мене. Поминавме низ лоши работи. Се заклучував во соба и плачев, а тој го правеше исто. Лажевме дека сме добро, но не бевме. Татко ми беше моја најголема поддршка“, кажа Меси во едно интервју.