Возиња ги шокира сите во Коло Коло - не се појави на подготовките

31 јули 2026 - 09:57

Голманот на репрезентацијата на Зеленортските Острови, Возиња предизвика вистински шок во редовите на Коло Коло и чилеанската фудбалска јавност, откако не се појавил на планираниот лет од Португалија кон Чиле, иако неговото пристигнување било очекувано во текот на вчерашниот ден.

Според информациите, причината за неговото отсуство не е од приватна природа, што дополнително ги засили шпекулациите околу неговата иднина. Во клубот засега нема официјално објаснување за ситуацијата, а неизвесноста околу искусниот чувар на мрежата продолжува.

Во меѓувреме, во трката за неговиот потпис се вклучил и мароканскиот Ренесанс Спортив Беркан. Клубот, кој неодамна за нов тренер го назначи поранешниот селектор на Зеленортските Острови, Бубиста, наводно веќе му испратил официјална понуда на 40-годишниот голман.

Поради новонастанатите околности, неговата преселба во Коло-Коло е доведена под знак прашалник, а во следните денови се очекува конечна разврска околу тоа каде искусниот голман ќе ја продолжи својата кариера.