Шкендија со повик до навивачите: Бесплатен влез за реваншот со Браво

28 јули 2026 - 22:16

Фудбалерите на Шкендија в четврток ќе се соочат против словенечки Браво во реваншот од второто квалификациско коло на Конференциската лига на УЕФА, а натпреварот се игра на Националната арена „Тодор Проески“ во Скопје од 20 часот.

Шкендија ги повика навивачите да дојдат на трибините и да дадат поддршка, а влезот за натпреварот ќе биде бесплатен.

Тетовци го загубија првиот натпревар со 1-2 во Словенија, па во реваншот во Скопје ќе се обидат да ја надокнадат негативата и да дојдат до триумф.