Вардар беше на чекор до триумф, но на крајот доживеа потоп во Рига (ВИДЕО)

28 јули 2026 - 21:40

Најтрофејниот македонски фудбалски клуб Вардар загуби со 2-5 во реваншот против Рига во второто квалификациско коло во Конференциската лига и се збогува со европскиот фудбал за оваа сезона.

Вардар по само 17 минути успеа да ја затресе мрежата на Рига со прекрасен удар и да донесе предност од 1-0, но само две минути следеше вистински шок бидејќи Филип Најдовски доби директен црвен картон.

Рига ја презема контролата врз играта во продолжение и почна да го напаѓа голот на Талески, но не реализира ниту една шанса, иако создаде дури 16 до крајот на првото полувреме.

Домашниот тим напаѓаше и на почетокот на вториот дел, но Талески го чуваше голот, додека Вардар успеа да казни преку Азер Омерагиќ и да стигне до 2-0 во 66. минута.

Во завршницата од регуларниот дел Рига нападна со сите можни оружја кон голот на вардарци, а Абдулрахман Таиву успеа да ја затресе мрежата на Талески во 87. минута.

Вардар се распадна во продолженијата, откако Рига по само две минути погоди за 2-2 преку Ауани, а потоа стрелаше Јаго Сикиера за целосен пресврт (3-2).

До крајот на натпреварот Рига продолжи со нападите и постигна уште два гола, и тоа преку Региналдо Рамиреш и Каио Фераира за конечни 5-2.