Неверојатни бројки: Никој во историјата на НБА не заработил повеќе од Леброн

25 јули 2026 - 15:21

Еден од најдобрите кошаркари на сите времиња, Леброн Џејмс, вчера официјално потпиша за Филаделфија, а новиот договор ќе му донесе рекорна заработка во најсилната кошаркарска лига во светот.

До крајот на сезоната 2026/27, вкупната заработка на Џејмс од договори во неговата НБА кариера ќе достигне неверојатни 585 милиони долари, објави „Спотрак“, најголемата интернет база на податоци која ги следи спортските договори, платите на играчите и финансиското работење на тимовите во професионалниот спорт.

Зад Џејмс остануваат Кевин Дурент со вкупна заработка од 545 милиони долари и Стеф Кари со 532 милиони долари. Пол Џорџ досега во кариерата заработил 460 милиони долари, додека петтото место го зазема Кавај Ленард со 426 милиони долари.

Агентот на Џејмс, Рич Пол, за новинарот на „ЕСПН“, Шамс Чаранија, потврди дека Леброн договорил двегодишна соработка со Филаделфија вредна осум милиони долари, која вклучува и играчка опција за втората сезона.

Се очекува договорот за следната сезона да изнесува околу 3,88 милиони долари, што е износот на ветеранскиот минимум.

„Форбс“ исто така проценува дека нето вредноста на Леброн Џејмс денес изнесува околу 1,4 милијарди долари, а неговата вкупна заработка надвор од теренот, пред оданочување, надминала една милијарда долари.