Јакимовски: Не припаѓаме во овие претквалификации, Македонија е на - повисоко ниво!

Македонија има пет победи од исто толку натпревари во првата фаза од претквалификациите за ЕП 2029. Вчера лесно ја совладавме Ирска, а овој сегмент од натпреварувањето ќе го комплетираме во недела против Луксембург.

Иако веќе го обезбедивме првото место, Јакимовски вели дека одиме на победа и против Луксембург за перфектен учинок во групата.

„Ова беше убедлива победа за нас, ја заслуживме и неа и пласманот во наредниот циклус. Сакаме да победиме и на следниот меч со Луксембург затоа што сакаме перфектен циклус. Не припаѓаме во овие претквалификации, нам ни е местото на повисоко ниво, но чекор по чекор, мислам дека ќе дојдеме до нашата цел“, изјави Јакимовски.