Берокал: Немаме многу време за одмор, сакаме победа и над Луксембург!

02 јули 2026 - 21:20

Македонската кошаркарска репрезентација славеше со 77-56 против Ирска во петтото коло од претквалификациите за Евробаскетот, а селекторот Жозеп Марија Берокал кажа дека е среќен поради триумфот.

Избраниците на Берокал беа одлични во одбраната, а во нападот ги казнија грешките на противникот за да запишат висока победа.

„Мислам дека одигравме добар натпревар. Не беше лесно да се победи, но ние се адаптиравме на играта на противникот. Бевме добри во одбраната, најдовме решенија и во нападот, па успеавме да ја оствариме целта и да се квалификуваме за следниот круг. Немаме многу време за одмор, сега ни следи Луксембург, кој ќе ни биде увертира за следната рунда. Среќен сум од остварената цел. Во овој ‘прозорец’ видов повеќе кошаркари и сум задоволен. Видов повеќе домашни играчи, шанса добија нови имиња како Марко Луканоски, Петар Бошалески и Павел Иванов, а ги увидов и квалитетите на Нејт Сестина и на Стјуард Јуниор. Еден ден ќе уживаме за победата, а потоа ни следи пат кон Луксембург. Ќе се подготвуваме за тој натпревар, секако дека желбата е уште еднаш да се победи“, кажа Берокал.

Македонија в недела против Луксембург го игра последниот меч од оваа фаза на натпреварувањето.

Фото: КФМ