Парадоксот на Холанѓаните - две децении без пораз на мундијалите, а сепак немаат титула

Холанѓаните се единствени што играле три финалиња на мундијалите и не победиле ниеднаш, но она што се случува на последните шампионати е за неверување. Почнувајќи од 2010 година, „лалињата“ одиграа вкупно 23 натпревари и немаат ниеден пораз по 90 минути, но сепак не освоија ниедна шампионска титула. Го пропуштија првенството во Русија, а на три од останатите четири беа меѓу второто и петтото место во конечниот пласман.

Последна репрезентација која успеа да ја победи Холандија по 90 минути игра беше Португалија во осминафиналето на Светското првенство во 2006 година, со 1-0. Во 2010 година Холанѓаните загубија по продолжение од Шпанија во финалето (0-1) и потоа три пати по ред на пенали: во 2014 и 2022 од Аргентина со 2-4 и 3-4 и на ова Светско првенство од Мароко со 2-3.

На овие 23 натпревари, Холандија има биланс од 16 победи и седум нерешени резултати по 90 минути игра. Досега Холандија не била послабо пласирана од 15. место на мундијалите и јасно е дека на овој шампионат ќе го забележи својот најлош пласман во историјата.