Биелса полуде: Ќе ме памтат како човекот што не му остави ништо на уругвајскиот фудбал (ВИДЕО)

Европскиот првак со тоа се квалификуваше во осминафиналето од првото место и ќе се соочи со второпласираната селекција од Групата Ј. Двократниот светски шампион, Уругвај, од друга страна, доживеа елиминација во групната фаза по вторпат по ред. Тоа, очигледно, многу го вознемири селекторот на Уругвај, Марсело Биелса кој буквално урлаше пред камерата.

„Не можев целосно да го искористам потенцијалот на уругвајските играчи. Со заменувањето на Валверде, се обидов да создадам позначајно присуство во нападот. Она што го дадов во уругвајскиот фудбал е ништо, бидејќи секој придонес што тренер го дава во националниот тим е залуден ако нема позитивен резултат.

Ако ме прашате како ќе ме паметат, ќе ме паметат како некој што не оставил ништо зад себе. Натпреварот беше доста изедначен. Заслужувавме нерешено. Требаше да биде нерешено“, рече искусниот стручњак.

Голманот Фернандо Муслера (40), прв избор на Биелса за турнирот, направи уште една голема грешка. Неговата самодоверба беше толку разнишана што побара замена на полувремето. Тоа беше веројатно најтешкиот момент во кариерата на голманот кој бранеше 14 години за Галатасарај и е член на уругвајската репрезентација од 2009 година. Тренерот Биелса ја исполни желбата на својот голман, а потоа, при резултат 0-1, направи уште еден неочекуван потег. Во 56-тата минута, ја извади од игра најголемата ѕвезда на тимот Федерико Валверде, играч на Реал Мадрид. Сепак, ова, како и секој друг обид на Биелса пред и за време на Светското првенство, не донесе резултати.

Марсело „Ел Локо“ Биелса ја презеде репрезентацијата на Уругвај во 2023 година. Под негово водство, Уругвај ја заврши групната фаза на Светското првенство без ниту една победа за првпат од 2002 година.