Шпанија со Јамал во стартната постава ќе брка победа против Саудиска Арабија

21 јуни 2026 - 16:42

Младата суперѕвезда на Барселона, Ламин Јамал денеска првпат во својата кариера ќе игра како стартер на натпревар од Светското првенство.

Крилниот играч е речиси целосно заздравен од повредата и е вклучен во почетната постава за дуелот со Саудиска Арабија, во второто коло од Мундијалот. По киксот и ремито против Зеленортски Острови во првиот круг, европскиот шампион мора да брка победа денеска, а најавено е дека, ако нема дополнителни проблеми, Јамал ќе помине на теренот околу 60 минути.

Во почетната постава на Шпанија има четири измени во однос на дуелот со Зеленортски Острови: Педро Поро на местото на Љоренте, Дани Олмо место Фабијан Руиз, Јамал место Феран Торес и Алекс Баена место Гави.

Натпреварот меѓу Шпанија и Саудиска Арабија се игра од 18 часот во Атланта.