Реал Мадрид или Манчестер сити: Гвардиол донесе одлука за својата иднина

15 јуни 2026 - 18:57

Шпанскиот гигант Реал Мадрид долго време се бореше да го добие потписот на дефанзивецот на Манчестер сити, Јошко Гвардиол, меѓутоа хрватскиот репрезентативец одлучи да остане во Премиер лигата.

Гвардиол се договорил со управата на „граѓаните“ и наскоро ќе потпише нов договор до јуни 2031 година, при што ќе добие зголемување на платата.

Хрватот досега заработуваше околу 15 милиони евра бруто, но се очекува значително зголемување на платата, иако засега не се откриваат повеќе детали.

Дефанзивецот минатата сезона одигра 25 натпревари за премиерлигашот, поради тоа што се повреди и паузираше четири месеци.

Фото: Facebook/Manchester City