Италија го избрала наследникот на Гатузо!

08 јуни 2026 - 14:18

Италијанската фудбалска репрезентација по новиот неуспех во обидот да избори место на Светското првенство се раздели со Џенаро Гатузо, а според последните информации, Роберто Манчини сега е пред враќање на селекторската позиција. 

Медиумите на Апенините пренесуваат дека договорот е речиси комплетиран и дека остануваат да се завршат само административните процедури и Манчини ќе стави потпис на договор до 2030 година со плата од два милиони евра годишно. 

Планот на Фудбалската федерација е искусниот стратег да ја води националната селекција во следниот циклус и да остане на функцијата до Мундијалот во 2030 година. Сепак, договорот ќе содржи и заштитна клаузула, со која Сојузот ќе може да ја раскине соработката доколку репрезентацијата не ги оствари зацртаните цели во квалификациите.

Ќе потсетиме, Италија привремено за нов селектор го назначи предводникот на репрезентацијата до 21 година, Силвио Баладини и со него на клупата Италијанците победија во пријателските натпревари со Луксембург и Грција со по 1-0.

Фото: Nazionale Italiana di Calcio/FB