Слот го одбил Фулам, сака да стане селектор

Клубот од западен Лондон го бараше 47-годишниот тренер по заминувањето на Марко Силва. Се очекува Португалецот да ја преземе Бенфика, каде што ќе го замени Жозе Мурињо, кој треба да се приклучи на Реал Мадрид.

Сепак, Слот нема намера да ја прифати понудата на Фулам во оваа фаза. Холанѓанецот претпочита да почека посоодветна можност да ја продолжи кариерата. Неговото име се поврзуваше и со репрезентацијата на Холандија по завршувањето на Светското првенство. Роналд Куман моментално е на чело на „лалињата“, но неговата иднина на чело по Светското првенство е неизвесна и не е исклучено да си замине по завршувањето на Мундијалот.

Во исто време, Фулам продолжува да бара нов менаџер, а меѓу опциите за кои се дискутира е и Киран Мекена. Тој привлече сериозно внимание со својата работа во Ипсвич Таун откако го водеше клубот до две последователни промоции и место во Премиер лигата.