Само во Северна Кореја: Фудбалерки освоија трофеј, па скокаа и плачеа околу диктаторот Ким (ВИДЕО)

03 јуни 2026 - 18:49

Женскиот фудбалски клуб Наегохјанг испиша историја откако стана првиот клуб од Северна Кореја што ја освои Азиската женска Лига на шампиони.

По повод големиот успех, за фудбалерките и стручниот штаб беше организиран свечен пречек на теренот, каде лично им честиташе и ги поздрави севернокорејскиот лидер Ким Јонг Ун.

Снимките објавени од државните медиуми прикажуваат емотивни сцени. Додека Ким минува покрај шампионскиот тим и се ракува со секоја од фудбалерките, дел од нив не можеа да ги сокријат солзите од радост и возбуда.

Фудбалерките гордо го покажуваа шампионскиот пехар, а во еден момент воодушевено почнаа и да скокаат околу севернокорејскиот лидер, па поради тоа снимката од прославата за кратко време стана вирална на социјалните мрежи.