Од Тиквешијата испратена порака – спортска Македонија има светла иднина (ФОТОГАЛЕРИЈА)

03 јуни 2026 - 10:14

Денот на спортот привлече околу 1.000 дечиња во Кавадарци во склоп на Плазма Спортските игри за млади, кои се најголемиот аматерски спортски настан во регионот и кои првпат се одржуваат и во нашата држава.

Од „градот на лозјето“ беше испратена силна и јасна порака – спортска Македонија има светла иднина. Плазма Спортските игри за млади беа свечено отворени во Скопје, а потоа се одржаа и во Куманово, Штип, Кочани, Струмица, Велес и Кавадарци. Денеска, пак, главен спортски центар е Прилеп.