Сити доцна се разбуди, Арсенал по 22 години е шампион на Англија! (ВИДЕО)

19 мај 2026 - 22:25

Фудбалерите на Арсенал се нови шампиони во Премиер лигата која математички ја обезбедија откако Бормут вечерва одигра реми 1-1 против Манчестер сити.

Жуниор Крупи постигна вистински еврогол во 39-тата минута и го матираше Донарума кој остана немоќен без реакција. Манчестер сити не беше премногу опасен, не создаде премногу прилики, но сепак преку Халанд во самата завршница постигна гол за реми.

Бормут со ова реми дојде до 56 бода три помалку од Ливерпул кој е на позицијата која води во Лигата на шампионите, но и си го обезбеди местото во Лигата на Европа и ова за нив ќе биде прво учество во клупската историја во некое европско натпреварување.

Во последното коло гостуваат кај Нотингем форест кој нема резултатски императив, додека Ливерпул се соочува со Брентфорд кој се бори за место во Конференциската лига или Лига Европа со Брајтон и Челси.

Арсенал пак сега може да почне да ја слави својата 14-та титула во Премиер лигата, меѓутоа прва по цели 22 години чекање.

Фото: AFC Bournemouth