Германeц ќе им суди на Арсенал и ПСЖ во битката за европскиот трон

11 мај 2026 - 16:23

Даниел Зиберт ќе биде главен судија на финалето во Лига на шампиони помеѓу Пари Сен Жермен и Арсенал, потврди УЕФА.

Негови помошници ќе бидат Јан Зајдел и Рафаел Фолтин, додека за четврти судија е назначен Сандро Шерер.

Во ВАР-собата ќе се наоѓаат Бастијан Данкер, Роберт Шредер и Карлос дел Серо Гранде. Финалето оваа година ќе се игра на 30 мај во нов термин 18 часот во Будимпешта.

Кога во прашање е Лигата на Европа на на 20 мај во дуелот на Астон вила и Фрајбург ќе суди Франсоа Летексије, додека на битката за трофејот во Конференциската лига на 23 мај во Лајпциг правда ќе дели Маурицио Маријани.  

Фото: УЕФА