Чупиќ: Може ќе ми кажете дека сум будала, но јас верувам!

04 мај 2026 - 13:10

Ракометарите на Вардар утре ги чека тешка задача против Монпелје во реваншот од четвртфиналето во Лигата на Европа откако на првиот натпревар загубија со десет разлика (33-23).

Иако јасно е дека воопшто нема да биде лесно, сепак тренерот Чупиќ на денешната прес-конференција порача дека верува во пресврт.

„Имавме добри и лоши моменти, првото полувреме бевме подисциплинирани и првпат сезонава игравме на резултатот. Вториот дел лошо го отворивме и целиот меч се сврти. Сега се подготвуваме и сакам сите да веруваат бидејќи во оваа сала е тешко да се игра и секој кој доаѓа има почит кон нас. Мораме да се прикажеме во подобро светло и веруваме дека можеме да ги стигнеме десет разлика. Може ќе ми кажете дека сум будала, но никој не може да ни забрани да веруваме“, изјави Чупиќ.

Натпреварот помеѓу Монпелје и Вардар е закажан за во терминот од 20:45 часот.