Фудбалер на Арсенал згазна на грбот на Атлетико, Диего Симеоне и син му го нападнаа (ВИДЕО)

30 април 2026 - 08:42

Тренерот на Атлетико Мадрид, Диего Симеоне и неговиот син Џулијано физички го нападнаа дефанзивецот на Арсенал, Бен Вајт откако тој го згазна грбот на Атлетико на теренот на стадионот „Метрополитано“.

Инцидентот се случил на полувреме од напнатиот прв натпревар од полуфиналето на Лигата на шампионите, кој заврши 1-1.

Џулијано Симеоне одеше зад Вајт кон тунелот и се налутил кога забележал дека дефанзивецот не го пречекорил грбот на Атлетико отпечатен на теренот. Нему потоа му се приклучи Диего Симеоне, двајцата го фатија противничкиот фудбалер и го оттурнаа кон тунелот. 

Во шпанскиот фудбал, клупските грбови на теренот се сметаат за свети и од играчите се очекува да одат околу нив од почит. Снимките покажуваат други играчи од двата тима како одат околу грбот, додека Вајт одлучил да оди директно преку него.