Младинците на Реал Мадрид на пенали ја освоија Лигата на шампиони! (ВИДЕО)

20 април 2026 - 21:23

Фудбалерите на Реал Мадрид до 19 години го освоија трофејот во младинската Лига на шампиони откако вечерва го совладаа Клуб Бриж по изведувањето на пенали откако во регуларниот дел беше 1-1.

Финалето донесе голема борба и неизвесност, Реал Мадрид прв дојде до водство со голот на Јакобо Ортета во 24-тата минтуа, сепак белгискиот состав не се откажа и преку Тобиас Лунд Јенсен во 64-тата дојде до израмнување.

Во пенал-рулетот сепак фудбалерите на шпанскиот гигант беа подобри и серијата ја добија со 4-2 со што се искачија на европскиот трон.

За Реал Мадрид во оваа конкуренција ова е втора титула, претходната ја освои во сезоната 2019/2020.

Фото: EPA