Струга објави детали за фудбалерот кој можеше да настрада против Тиквеш

Само некоја минута откако влезе во игра во второто полувреме, Фал по еден дуел со противнички фудбалер незгодно падна и можеше да заработи сериозна повреда.

По падот Фал се обиде да продолжи, меѓутоа набрзо повторно му се слоши, па мораше веднаш да интервенира и лекарската екипа со брзата помош кој го пренесе во болница.

„Папе Фал е во добра и стабилна здравствена состојба по инцидентот на денешниот натпревар против Тиквеш. По извршените лекарски прегледи, му беше направена и компјутерска томографија на главата, која покажа дека неговата состојба е стабилна и под контрола“, информаа од Струга.

Според најавите тој многу брзо би требало да се врати на терените.