Двете ѕвезди не можат заедно: Мбапе му ги скрати „крилјата“ на Винисиус

Повредата му овозможи на Винисиус да ја преземе напаѓачката улога во Реал и да ја зголеми самодовербата на тимот кој изгледаше изгубен. Без Мбапе, Реал ги одигра своите најдобри натпревари во сезоната, елиминирајќи го Манчестер Сити во Лигата на шампионите и одржувајќи се во игра за титулата во Ла Лига.

Французинот толку многу го напрегна коленото што на крајот ја плати цената, поради што пропушти седум натпревари од почетокот на 2026 година и ја предаде офанзивната одговорност на тимот на својот соиграч. Арбелоа беше посветен на Винисиус до тој степен што Бразилецот стана најдобар стрелец на Реал од почетокот на годината. Постигна 12 гола, два повеќе од Французинот, но повторно леташе по теренот, чувствувајќи се исто толку важен и среќен како што беше пред да дојде неговиот колега.

Но, освен головите, кои служат како показател за враќањето во форма на Винисиус е она што Реал Мадрид го постигна, да ги затвори линиите и да покаже верзија на фудбал каква што не е видена од минатата сезона. Толку многу што ги воодушеви своите навивачи, кои конечно уживаа во играта на својот тим. И тоа го направи без Мбапе и Белингам. Тој ентузијазам се покажа како илузија. Враќањето на Французинот немаше добар ефект ниту врз тимот ниту врз Винисиус.

Навивачите на Реал почнуваат да се прашуваат дали улогата на Мбапе е корисна за тимот. Никој не се сомнева дека тој е еден од најдобрите играчи во светот, но како што велеше Алфредо ди Стефано: „Еден играч не е подобар од сите други заедно“. Големото прашање е дали Мбапе не го нарушува тоа единство во својата желба да се фокусира исклучиво на головите, заборавајќи на колективните задачи.

Фактите покажуваат дека присуството на Мбапе не ја фаворизира играта на Винисиус, кој признава дека не успева да се хармонизира со својот соиграч, иако одржуваат „величествен однос“. Французинот влегува во неговата зона на влијание, не успева да ги прочита неговите движења во контранападите, не му отвора простор со повлекување на одбранбените играчи - напротив. И има тешкотии да бара слободни позиции, да ја добие топката со предност. И покрај сè, Винисиус му даде пет асистенции, а не доби ниедна од својот соиграч. Она што е најважно, од враќањето на Мбапе во првиот тим, Винисиус нема ниту гол, ниту асистенција.