Се „роди“ новиот Болт: Тинејџер го сруши рекордот на легендата од Јамајка!

12 април 2026 - 10:02

Австралискиот атлетичар Гаут Гаут испиша историја на државното првенство во Суднеј, поставувајќи нов национален рекорд на 200 метри со неверојатни 19,67 секунди.

Со овој резултат, 18-годишниот спринтер стана првиот Австралиец кој ја пробил границата од 20 секунди, а воедно го надмина и најдобриот резултат на легендарниот Усеин Болт (19,93 од 2004 година). Тој дојде на чекор и до светскиот јуниорски рекорд на Еријон Најтон, од кој заостанува само две стотинки. Гаут не беше единствениот што трчаше под границата од 20 секунди, туку тоа го стори и второпласираниот Ејдан Марфи (19,88).

„Цела година го бркав овој резултат. Во глава си поставив цел од 19,75, а на крај испадна уште подобро“, изјави Гаут по трката.

Тој испрати и јасна порака до конкуренцијата.

„Сега знам дека можам. Имам само 18 години и верувам дека можам да бидам уште побрз“, заврши „новиот“ Болт.

Австралија со ова доби нова атлетска сензација, а светот – сериозен предизвикувач за безвременските рекорди во најбрзите спринтерски дисциплини.

ФОТО: EPA PHOTO