„Леброн Џејмс ќе се врати во Кливленд пред да се пензионира“

Поранешниот тренер на Лос Анџелес Лејкерс, Бајрон Скот предвидува дека Леброн Џејмс повторно ќе игра за Кливленд кавалирс.

Иако неговата кариера се ближи до крајот, Леброн би можел да игра барем уште една сезона, а Скот смета дека тоа ќе биде во дресот на Кливленд.

„Мислам дека ова за него е последна година во Лејкерс, најверојатно ќе се врати во Кливленд и потоа ќе се пензионира“, вели Скот.

Леброн дебитира во НБА-лигата во 2003 година во дресот на Кливленд, а во декември ќе наполни 42 години.