Охрид лесно го реши Бутел за седма победа по ред во Суперлигата

17 февруари 2026 - 19:40

Ракометарите на Охрид вечерва триумфираа против Бутел со 33-28 во 21. коло од македонската Суперлига и така ја остварија седмата победа по ред во домашниот шампионат.

„Гладијаторите“ тргнаа моќно во натпреварот и ги казнуваа грешките на Бутел за на полувреме да заминат со „плус шест“ (17-11).

Охрид доминираше и во вториот дел, односно поведе со +10, но Бутел успеа во завршницата од натпреварот да ја намали негативата на пет голови (28-33).

Најефикасни стрелци кај Охрид беа Никола Ристески и Ален Ќосевски со по седум голови, додека Дејан Михајловиќ за Бутел постигна осум погодоци.