Хојлунд од пенал во 95. минута донесе радост за Наполи (ВИДЕО)

07 февруари 2026 - 20:00

Фудбалерите на Наполи триумфираа на тешкото гостување кај Џенова со 3-2 во 24. коло од италијанската Серија А.

Првиот гол на мечот падна во третата минута кога Руслан Малиновски реализираше пенал, но потоа Наполи преку Расмус Хојлунд и Скот Мектоминеј направи пресврт (2-1).

Лоренцо Коломбо ја врати неизвесноста на мечот во 57. минута со голот за 2-2, а дополнителен проблем за Наполи беше црвениот картон на Хуан Хесус.

Наполи и со фудбалер помалку се обидуваше да дојде до трет гол, а тоа конечно им успеа од пенал преку Хојлунд во петтата минута од судиското надополнување.

Македонскиот репрезентативец Елиф Елмас го почна натпреварот и остана на теренот до крајот на средбата.

Фото: Facebook/SSC Napoli