ФИФА ја прифати жалбата: Канте се пресели во Турција!

04 февруари 2026 - 09:24

Францускиот фудбалер за врска Нголо Канте го напушти Ал-Итихад и се пресели во Фенербахче, откако Светската фудбалска федерација (ФИФА) ја прифати жалбата на турскиот гигант.

Трансферот на Канте за малку ќе пропадне поради аматерска грешка на Ал-Итихад, кој погрешно ги пополнил податоците во системот за управување со трансфери на ФИФА.

Турскиот гигант испрати жалба до ФИФА, а од Куќата на фудбалот експресно одговорија и му дозволија на Канте да го облече дресот на Фенербахче.

Фенербахче за трансферот на Канте ќе плати четири милиони евра, а во Ал-Итихад го испратија и Јусеф Ен-Незири.