Рома го надигра Торино за трет триумф по ред во Серија А (ВИДЕО)

18 јануари 2026 - 21:14

Фудбалерите на Рома ја запишаа третата победа по ред во Серија А, откако вечерва на гости го надиграа Торино со 2-0 во 21. коло од италијанскиот шампионат.

Дониел Мален погоди во 23. минута, но голот му беше поништен од ВАР-технологијата поради офсајд. Сепак, истиот фудбалер три минути подоцна повторно стрелаше и неговиот погодок остана да важи.

Стрелец на вториот гол за екипата од Рим беше Пауло Дибала, кој во 72. минута ги постави конечните 2-0.

Рома е на четвртата позиција со 42 бодови, односно седум помалку од лидерот Интер.

Фото: Facebook/AS Roma