Ливаковиќ ќе го напушти Фенер, но не се враќа во Динамо!

29 декември 2025 - 10:45

Голманот на хрватската репрезентација, Доминик Ливаковиќ се очекува во јануари да добие нов клуб, се шпекулираше дека е пред враќање во Динамо Загреб, но се чини дека нема да се случи.

По неславната авантура во Жирона, Ливаковиќ ќе се обиде на друго место да ја насочи својата кариера. Тој е член на Фенербахче, но нема да се задржи таму, турскиот клуб го продава.

Информациите велат дека Џенова му понудила четири милиони евра на Фенербахче за Ливаковиќ.

„Џенова испратила понуда за позајмица на Ливаковиќ со опција за откуп. Голманот не одигра ниту еден меч за Жирона оваа сезона, Фенербахче ја разгледува понудата од Џенова и ја смета за добра“, пишува турскиот Фотомак.

Ваквата ситуација е разочарувачка за Динамо Загреб кој го сакаше Ливаковиќ назад, но не може да ја изедначи понудата на Џенова.