„Светот“ подобар од „Македонија“ на женскиот дел од Олстарот

21 декември 2025 - 17:22

Денеска се одржа „Собирот на сите ѕвезди“ во СРЦ „Канле“ во Скопје, при што тимот „Свет“ успеа да слави против тим „Македонија“ со 91-79.

Странските кошаркарки беа одлични на теренот и успеаја да ги надиграат Македонките, а најефикасна на теренот беше Алексис Пул со 27 поени и шест скокови, како и индекс - 29.

На теренот имаше уште едно натпреварување, односно во удари за три поени, каде што најдобра беше Сара Максимовска од Баскет Кам.

Претходно се одржа и мечот межу македонските надежи од М20-лигата, при што „Next Step“ славеше против „Next Generation“.

Фото: Кошаркарска Федерација на Македонија