Шестата победа по ред го однесе Сити во полуфиналето од Лига купот (ВИДЕО)

„Граѓаните“ му се придружија на Челси кој вчера обезбеди место меѓу четирите најдобри. Вечерва Гвардиола излезе со дури девет измени во стартниот состав во однос на претходниот меч, но и покрај тоа стигна до шестата победа во низа, сметајќи ги сите натпреварувања.

Шерки го отвори резултатот во 32. минута, кон средината на второто полувреме погоди и Савињо, а Брентфорд иако имаше неколку шанси, не успеа да постигне барем почесен гол.