Лудо дерби на Максимир: Динамо со гол во 102 минута му ја украде победата на Хајдук (ВИДЕО)

Тоа беше неверојатен натпревар во кој Динамо доминираше речиси 70 минути, но не успеа да поведе, додека по интервенцијата на ВАР му беа поништени гол и пенал. Микеле Шего потоа го шокираше Максимир во 68., а Хајдук беше на работ на голема победа кога Арбер Хоџа ги постави конечните 1-1 во 12. минута од судиското продолжение.

Домаќините беа многу подобри од својот противник во првото полувреме. Шансите се редеа една по друга пред голот на Хајдук, а првата од нив ја имаше Монсеф Бакрар во 21. минута. Потоа неговиот удар со глава беше брилијантно сопрен од гостинскиот голман Тони Силиќ. По сите пропуштени можности и поништениот гол и пенал, шок за Динамо. Хајдук поведе со својата прва вистинска шанса на натпреварот и првиот и единствен шут во голот. Икер Алмена нафрли од десно, топката отскокна покрај неколку одбранбени играчи на Динамо, а Шего ја пресретна на подалечната статива и лесно ја смести во мрежата.

Во минутите по голот, Динамо беше вистински во целосен шок бидејќи одеднаш стана целосно безопасни, а темпото на играта беше дополнително разредено од навивачките испади и измените. Немаше вистинско возбудување на теренот сè до судиското продолжение.

Поради сите прекини, главниот судија покажа продолжение од дури 13 минути кое се пролонгира на 18, а во него Динамо повторно изврши жесток притисок врз голот на Хајдук. Доминацијата конечно се исплатеше во 102. минута, Фран Топиќ со глава ја упати топката до Сандро Куленовиќ, кој убаво ја смири и упати добар удар. Тони Силиќ беше на место, но успеа само да ја одбие топката, а Арбер Хоџа се стрча кон неа и ја турна во празната мрежа.

Динамо со освоениот бод се задржа на челната позиција на табелата со 32 бода, еден повеќе од Хајдук кој веќе три кола е без победа.