Алкалоид му „украде" бод на Пелистер и му направи огромна услуга на Вардар!

Домашните ракометари беа подобри во најголем дел од натпрееварот и најчесто тие беа тимот кој има водство. Алкалоид само неколку пати во првиот дел водеше со еден разлика.

Завршницата од првиот дел целосно им припадна на избраниците на Гарабаја кои тука стигнаа и до пет гола водство, но на пауза сепак заминаа со 17-13.

Во второто полувреме Пелистер се до последите десетина минути од средбата имаше сигурно водство кое најмногу одеше и до шест разлика (24-18). Сепак, тука како да скопскиот тим да почна да се буди на осум минути пред крајот успеа да намали на само „минус два“. Во тие миннути се истакна Галевски кои забележа одлични интервенции. Но, фантастичен на другата страна беше и Митревски кој дуелот го заврши со 20 одбрани.

На пет минути до крајот со еден седмерец на Серафимов, Алкалоид дојде и на само еден гол заостанување (26-25), па во финишот гледавме вистинка драма. Алкалоид на помалку од минута до крајот успеа и да израмни, а домаќините имаа 15 секуди за последниот напад тогаш добија и пенал, одговорноста ја презема Хосни, но Галевски беше херојот и успеа да го одбрани неговиот удар.

Со овој одбранет пенал Галевски му направи и голема услуга на Вардар кој е единствен максимален од стартот на сезоната и сега е поблиску до титулата.