Играа Жирона и Реал, слави - Барселона! (ВИДЕО)

Тоа е трето реми по ред за „кралскиот клуб“ кој со ова ја изгуби големата предност пред конкурентите. Пред неполн месец, Реал имаше пет бода повеќе во однос на Барселона, но трите нерешени резултати во серија му овозможија на каталонскиот клуб да се врати на челната позиција.

Мечот на Монтоливи можеше да има поинаков тек ако не беше поништен голот на Мбапе во 40. минута при резултат 0-0. Сепак, судиската одлука беше исправна затоа што Французинот играше со рака пред да ја испрати топката во мрежата. Пет минути подоцна Жирона дојде во водство откако Унахи со фантастичен удар го совлада Куртоа.

Во второто полувреме Реал тргна на се или ништо, но успеа да израмни дури во 67. минута и тоа од пенал. Мбапе беше прецизен за својот прв гол по пауза од еден месец, ама тоа не беше доволно за победа.

Ситуацијата во шпанското првенство сега е исклучително интересно бидејќи Барселона, Реал, Виљареал и Атлетико се на само три бода разлика. Во следното коло Барса го пречекува разиграниот Атлетико, додека Реал гостува во Билбао.