Зеќири: Со овие победи, 90% ја завршивме работата

30 ноември 2025 - 20:54

Машката кошаркарска репрезентација на Македонија ја оствари втората победа во претквалификациите, совладувајќи ја Ирска на домашен терен и сега е во многу поволна позиција за пласман во следната фаза.

Лејсон Зеќири е задоволен од тоа како се одвиваше мечот, а особено од финишот во кој беше скршен отпорот на противникот и остварен е значаен триумф.

„На почетокот мечот не беше на наша страна заради цврста игра на ривалот, но брзо се адаптиравме и дадовме одговор. На крајот од втората четвртина поведовме, а потоа си продолживме по тој пат. Третиот период имаше добар проток на топка, добра одбрана, лесни поени во напад и потоа успеавме да ја изградиме разликата за победата. Со овие две победи 90% си завршивме работа, но не значи дека ќе се опуштиме. Ќе работиме да ги добиеме и тие дуели, кои на хартија можеби се полесни“, рече Зеќири по мечот.