Беласица со победа над Преспа го заврши есенскиот дел од сезоната

30 ноември 2025 - 15:13

Беласица триумфира со 3-1 против Преспа во последниот нивни меч за оваа есен во Втората македонска фудбалска лига.

Екипата од Струмица го отвори резултатот на стартот на вториот дел преку Александар Милушев по изведен корнер, по што водството го зголеми Стефан Сулев во 65. минута од средбата по една одлична акција на Беласица.

Преспа набрзо намали на 1-2 преку Пеце Наумовски и ја врати неизвесноста, меѓутоа Милушев во завршницата стрелаше за конечни 3-1.

Фудбалерите на Беласица се наоѓаат на третата позиција со 31 бод, додека пред нив се Брегалница и Шкендија Арачиново.