ФИФА ќе воведе ново правило: Фудбалери ќе добиваат „исклучувања“ од две минути!

Фудбалерите кои ќе побараат медицинска помош ќе бидат „исклучени“ на две минути, односно нема да може да се вратат на теренот пред да изминат 120 секунди.

Претседателот на судиската комисија, Пјерлуиџи Колина кажа дека правилото ќе се применува во сите ситуации, освен ако повредата не ја предизвикал противнички фудбалер кој притоа добива жолт или црвен картон.

Целта на ФИФА е да се намали бројот на симулирање и „измислени“ повреди кои служат за трошење на времето.

Правилото за првпат ќе се тестира во Арапскиот куп, кој се одржува од 1 до 18 декември во Катар оваа година.