Сензација на женскиот Мундијал: Фарски Острови ја победија Шпанија

28 ноември 2025 - 23:04

Дефицитот од три гола на полувремето и само 18% одбрани не ги обесхрабрија Фарските Острови, дебитанти на Светското првенство, да дојдат до својата прва победа на Мундијалот и тоа не против кого било, туку против Шпанија.

Ракометарките од островската држава на северот на Европа славеше со 27-25 за најголема сензација во досегашниот дел од шампионатот. Фарски Острови поведоа со 4-3  во 9. минута, искористувајќи ги максимално пропуштените шанси на Шпанките. До крајот на полувремето „фуријата“ го сврте резултатот во своја корист и дојде на 14-11, но далеку од тоа победникот беше решен. 

Одличниот почеток на вториот дел донесе израмнување (16-16) во 36. минута по пеналот на капитенот Пернил Бранденборг, што го натера селекторот на Шпанија, Амброс Мартин, да побара тајм аут порано од очекуваното. Мечот влезе во последната четвртина изедначено (20-20), но Шпанија повторно се разигра и поведе со два разлика. .

И тука не беше крајот, со Вардум на голот и игра 7 на 6, Фарски Острови почнаа да го прават пресвртот. Митун ги доведе Фаранките во водство (26-25, 58-ма минута). Клучен беше нападот во последната минута, Вардум ѝ одбрани зицер на Гасама по што Митун стави крај на сите дилеми за големо изненадување.