Расизам во Италија: Судијата го молеше Влаховиќ да не си оди по жестоките навреди

Пред тоа, првото не беше доволно, а Довери мораше да побара од четвртиот судија Маркети второ предупредување за расистите на трибините да се смират. Според протоколот, натпреварите се прекинуваат дури по третиот случај на разизам во Италија.

Во меѓувреме, срамните извици од трибините на „Артемио Франки“ продолжуваа и продолжуваа додека Влаховиќ чекаше да изведе пенал (пенал што подоцна беше поништен).

„Ти си Циган, ти си Циган“, скандираа расистите меѓу навивачите на Фиорентина кон нивниот поранешен играч, што беше скандирано и кон Сергеј Милинковиќ-Савиќ на италијанските стадиони претходните години. Тие мораа да бидат смиренувани од Лука Раниери, кој излезе на трибините со најжестоките поддржувачи на „Виола“ и побара конечно да престане, потсетувајќи ги дека натпреварот ќе биде прекинат.

Дури тогаш расистите се повлекоа.

„Натпреварот беше прекинат - повторно се слушнаа расистички скандирања упатени кон Влаховиќ. Судијата го прекина натпреварот и им се обрати на капитените и на напаѓачот со број 9 во дресот на Јувентус“, пишува „Газета дело Спорт“.

Натпреварот заврши без победник, но остави уште една темна дамка во историјата на италијанскиот фудбал.