Стигна првата понуда за Тер Штеген - од Турција

Искусниот голман во еден момент ја изгуби капитенската лента, подоцна ситуацијата малку се смири, но тој сака да си замине бидејќи нема намера да биде резерва. Иако е незадоволен од својот статус во каталонскиот клуб, Германецот не сака да ги прости долговите и планира да го одработи договорот што го има до крајот, односно до летото 2028 година.

Поради високите приходи, Барселона би била среќна да го продаде, но поверојатно е дека ќе оди на позајмица, барем до крајот на сезоната. Се очекува дека ќе ја напушти Каталонија во јануари, а првата можност и многу неочекувана опција се наѕира. По повеќемесечни шпекулации, пристигна понуда од турскиот Бешикташ. Турските медиуми пишуваат дека клубот од Истанбул е подготвен да го покрие остатокот од платата на Тер Штеген за оваа сезона, што е околу седум милиони евра годишно.

Тер Штеген е во Барселона 11 години, откако дојде од матичниот клуб Борусија Менхенгладбах, и со Каталонците ја освои Лигата на шампионите и шест титули во Ла Лига.