УЕФА во Тирана ќе решава каде ќе се игра финалето во ЛШ во 2027 година

05 септември 2025 - 13:37

Европската фудбалска унија (УЕФА) најави дека на 11 септември во Тирана ќе се одржи состанок на Извршниот одбор, на кој ќе бидат донесени важни одлуки меѓу кои и за организаторите на финалињата во Лигата на шампиони (ЛШ), Лига Европа (ЛЕ) и Конференциската лига (КЛ).

Состанокот ќе се одржи во период од 14 до 17 часот, а сите очекуваат да бидат избрани домаќини на финалињата на натпреварувањата под организација на УЕФА во 2027 година.

Освен тоа, ќе бидат донесени одлуки и за домаќините на завршните турнири во младинските репрезентативни категории, како и футсал натпреварувањата.

Фото: Facebook/UEFA Champions League