Ливерпул подготвува понуда со која ќе го урне англискиот трансфер рекорд!

30 август 2025 - 08:20

Преодниот рок за премиерлигашите истекува во понеделник, па не останува уште многу време за реализација на последните зделки, се очекува главната улога да ја има Ливерпул.

Според „Телеграф“, се очекува Ливерпул да испрати понуда до Њукасл во висина од 130 милиони фунти за Александер Исак. Тоа ќе биде апсолутен рекорд во англискиот фудбал.

Тоа е сумата која ја бара Њукасл и се очекува по една таква понуда да се случи трансферот на Исак кој гори од желба да игра на Енфилд.

Во меѓувреме Њукасл полека го финишира трансферот на Ник Волтемаде од Штутгарт, што исто така ги зголемува шансите за продажба на Исак.