Шкендија експресно си го прекрши зборот - нема да игра со Работнички!

Во изјавата Беќири нагласи дека барањето за одложување на натпревари би било непочитување на првенството.

„Искрено не сакам да се одложи наш натпревар од домашното првенство поради Европа. Со тоа би покажале непочитување кон играчите што ги имаме и би покажале непочитување кон нашиот шампионат кој ни е многу важен. Ние сме платени да играме и треба да играме кога ќе биде побарано од нас. Но еве и да одложуваме, некогаш тие мечеви сепак треба да се одиграат па ќе добиеме згуснат распоред. Каде ќе ги сместиме? Треба да се ги почитуваме сите натпреварувања треба да играме како што е распоредот“, изјави Беќири пред само неколку дена.

Имено, натпреварот од четвртото коло помеѓу Работнички и Шкендија е одложен по барање на тетовскиот клуб. Причина за одложувањето е долгото патување на тетовскиот клуб до Разград каде што го играше плеј-офот со Лудогорец.

Натпреварот требаше да се игра в недела од 16:30 часот, додека дополнителниот термин дополнително ќе биде утврден.