Шкендија ги дозна ривалите - ќе игра против Дрита и екс-клубовите на Столе и Чурлинов!

29 август 2025 - 13:53

Екипата на Шкендија по елиминацијата во плеј-фот за Лига Европа продолжи во Конференциската лига каде што денеска тетовскиот клуб ги дозна своите противници во лигашкиот дел.

Шкендија ќе се соочи на домашен терен против Слован Братислава, потоа против поранешниот клуб на Столе Димитриевски, Рајо Ваљекано и тоа на гости во Шпанија.

Ќе играат тетовци и против уште еден поранешен клуб на македонскиот репрезентативец, Јагелонија од каде што си замина Дарко Чурлинов, во овој дуел шампионот во ПМФЛ ќе биде домаќин.

За противник ќе го имаат и својот поранешен фудбалер Егзон Бејтулаи кој го носи дресот на Дрита, Шкендија овој дуел ќе го игра како гостин.

Во преостанатите две средби избраниците на Јетон Беќири ги чекаат натпревари дома против ирски Шелбурн и гостување на Кипар кај АЕК.