Омерагиќ: Ни следи посериозен противник, но пристапот ќе биде ист

17 јули 2025 - 23:28

Фудбалерите на Вардар вечерва ремизираа 2-2 со екипата на Ла Фиорита од Сан Марино и тоа по триумфот од 3-0 во првиот натпревар беше доволно за „црвено-црните“ да обезбедат пласман во следното коло.

 

Напаѓачот Азар Омерагиќ по натпреварот потсети дека Вардар во второт около го чека посериозен предизвик против екипата на Лозана.

„Некогаш првите 45 минути ќе бидат лоши, некогаш вторите. Тоа е фудбалот. Веќе разговаравме на оваа тема, и сега после натпреварот во соблекувалната и тој проблем ќе мораме да го решиме. Ни следува посериозен противник, но пристапот ќе ни биде ист. Вардар секогаш оди на победа, но допрва ќе одлучуваме на каков начин ќе играме против Лозана“, изјави напаѓачот.

Ќе потсетиме, Вардар остана единствен македонски претставник во второто коло во квалификациите од Конференцискатаа лига по елиминациите на Силекс и Работнички.