Револуционерна промена: Голманите повеќе нема да можат да крадат време

14 јуни 2025 - 11:37

Познатиот фудбалски судија Пјерлуиџи Колина го потврди воведувањето на револуционерното правило кое од новата сезона ќе се применува во сите натпреварувања.

Еден од проблемите за време на натпреварите е трошењето на време, меѓутоа тоа во иднина ќе се намали затоа што се воведува правило за голманите.

Голманите ќе имаат осум секунди за да ја вратат топката во игра, а доколку не се случи такво нешто, тогаш ќе биде досуден корнер за противничкиот тим.

„Ова е најважна иновација, која е насочена кон намалување на загубеното време на натпреварите. Ќе се имплементира во сите натпреварување од ова лето“, кажа Колина.