Алкалоид со +22 до место на завршниот турнир од Купот на Македонија

29 април 2025 - 22:20

Екипата на Алкалоид ќе го брани трофејот во Купот на Македонија откако во финалето од квалификацискиот турнир во Автокоманда го победи Пролет со 42-20.

Разликата во квалитет беше очигледна, Алкалоид доминираше во текот на сите 60 минути и единствената дилема беше со каков резултат ќе заврши натпреварот. Најдобар кај стрелците беше Дамјан Митев со осум гола, а го следеше младиот Максим Гарбески со пет реализации. 

На завршниот турнир од Купот на Македонија, покрај Алкалоид ќе играат уште Пелистер, Вардар и Охрид.